عضلات الرجل
عضلات الرجل في ناس كتير بتهملها ومابتلعبهاش..
حتى لو لعبوها مش بيدوها حقها كعضلة كبيرة ومهمه للكشل العام للاعب كمال الاجسام..
عضلات الرجلمن أقوى عضلات الجسم..
تقدر تشيل اوزان عليها زي مانت عاوز..
والرجل بتنقسم الي 3 أجزاء
1)الرجل الاماميه-الفخد (كوادرسيبس)
2)الرجل الخلفية (هامسترينجس)
3) السمانه (كالفس)
ومننساش ان الهانش (المؤخرة) تبع عضلات الرجل
كما موضح بالصورة
1-الرجل الامامية (الفخد)
ودي اللي بشغلها تمرين الدفع (الدفاش) والاسكوات
والاسكوات انواع..في هاك اسكوات،اسكوات أمامي،اسكوات عادي (البار خلف الرقبه) ،أسكوات واسع،اسكوات ضيق،اسكوات وسط.الخ الخ
كله عامة للفخد لكن اللي بيفرق واسع من ضيق من وسط في زاوية العضله لان زي مانتم شايفين الفخد منقسمه تلت عضلات
تمارين العضلة الاماميه- الفخد
1-الاسكوات
2-الاسكوات الامامي
3-هاك سكوات
4-الطعن بالبار
5-الطعن بالدمبلز
6-طعن بار على كرسي البنش
7-دفاش ضيق (ممكن يتلعب سوبر واسع +ضيق)
8-جهاز أمامي (تمرين كويس لعضلة الركبة..اللي شبه المثلث)
ملاحظات
1-تمارين الاسكوات بيشغل الفخد كعضلة أساسيه..والعضلات الخلفية والهانش والسمانه كضلة ثانوية
2- تمرين الاسكوات من التمارين الخطرة في حاله لعبتة غلط..يعني لازم ضهرك مفروض ووشك لقدام
3- كعب رجلك يبقى فلات على الارض وماترفعوش وانت بتلعب اسكوت
2-العضلة الخلفية
1-جهاز خلفي نايم
2-جهاز خلفي جالس
ملاحظة
التمرنين دول ممكن بتلعبو سوبر
نايم+ جالس
3-سكوات بس الرجل مفروده
العضلى التالته والاخيرة (السمانه)
1-جهاز الدفاش
2-جهاز سمانه جالس
3-جهاز سمانه واقف
ملاحظات
عضلة السمانه زي ماهو موضح في الصورة عضلتين
1-تمرين السمانه واقف + جالس ممكن يتلعبو سوبر
2- جهاز السمانه واقف تلعبه 3 استايلات
11، سبعه، ثمانيه
رجلك على شكل 11 عيشغلك العضلتين مع بعض من جوة
رجلك على شكل سبعه هيشغلك الداخلية من جوة
رجلك على شكل تمانيه هيشغل السمانه من برة
نصيحة..ان الناس تلعب الرجل يوم واحد لحاله لانها عضلة كبيرة ومهمه وعاوزه تركيز....وتمارينها متعبه
ليست هناك تعليقات:
إرسال تعليق